Psa 33 | ZomZIV | STEP | No a thumaante aw, lungnuamtakin TOPA la sak un; amah a thutangte phat dingin kilawm hi.

u1Ki 8:39

v Job 10:8

w Jer 32:19

x 1Sa 14:6

Psalms 33

1 No a thumaante aw, lungnuamtakin TOPA la sak un; ^a
amah a thutangte phat dingin kilawm hi. ^b
2 Harp-in TOPA phat unla; ^c
khauzang sawm kivawh lyre amah tum un. ^d
3 Amah lathak sak unla; ^e
kilawmtakin tum unla nuamin kiko un. ^f
4 Ahang in, TOPA kammal maanin thumaan a; ^g
a hihna khempeuh ah muanhuai hi.
5 TOPA in thumaanna le thutang it a; ^h
ama itna kip leitung dim hi. ⁱ
6 TOPA thu-in vante kibawl-a -
amau aksi honpite ama huusan tawh kibawl ahi hi.
7 Amah in beelte ^{▼▼ 7 Ahikeh tuipi nungsaka} sungah tuipi tuite khawm a; ^k
vankholna innte ah tui thukpi a koih hi.
8 Leitung khempeuh in TOPA kihta henla; ^l
leitung bup a mi khempeuh in amah zahtak uh hen. ^m
9 Ahang in, amah pau-a a cih bangin piang hi; ⁿ
amah in thu pia-a dingkip hi.
10 TOPA in minamte’ ngimnate guaksuaksak a, ^o
mite sawmnate a dal hi.
11 Ahi hangin TOPA geelnate kipden a, ^p
a lungsima a ngimnate akhang a khangin kip tawntung hi.
12 Amaute Pasian TOPA hi-a ^q
a gouluah dinga a teel mite, thupha ngah minam ahi hi. ^r
13 Van panin TOPA in ensuk a, ^s
mihing khempeuh a mu hi; ^t
14 ama tenna - mun panin
leitunga teng khempeuh a vil gige hi - ^u
15 amah in mi khempeuh lungsim bawl a, ^v
amaute sepna khempeuh a entel hi. ^w
16 A galkap hauh thu-a kihonkhia kumpi om lo a; ^x
ama thahat thu-a suakta galhang a om kei hi.
17 Kihut nadingin sakol muan, a mawknapi hi-a; ^y
a hat mahmah hangin a honkhia zo tuan kei hi.
18 Ahi hangin TOPA mit in amah a kihtate,
ama itna kip a lamente mitsuan a, ^z
19 sihna pan amaute hukhia in kialpi hun ciangin
amaute kema a nungta uh hi. ^aa
20 TOPA lamenin i ngak hi; ^ab
amah eite huhpa le i lum ahi hi.
21 Ama min siangtho muang i hi manin
ama sungah i kipak hi. ^ac
22 TOPA aw, nang sungah lametna kong neih mah bangun ^ad
na itna kip ko tungah hong khawlsak in.